Kola Saami Documentation Project (KSDP)

Куэлнэгк нёарк са̄мь кӣлэ кӣлтидтӭй я о̄ллмэ я̄л уххцей документация
     
 
 
   
 
«Kola Saami Documentation Project» — тэдт ли лыгквэзхэллант (проект), ку лыххк кӣлтедэ я оллмэ ял уххцэм документациянҍ (кырьенҍ) са̄мь кӣлэ баяс Рӯшш е̄ммьнесьт. Са̄мь кӣл лев уральскэ кӣлэ пӣррсэсьт. Куэлнэгк не̄аркэсьт мыйй уййнэпь не̄лльй са̄мь кӣл: кӣлт соа̄ме, нюхьт-явьр соа̄ме, нуҏьт соа̄ме я а̄кьявьр соа̄ме. Рӯшш кӣл кырьенҍ (литературасьт) тэ̄йт кӣлэтҍ пыййма ли коаххче диалектэгуэйм: кӣлт, нюхьт-явьр, нуҏьт я а̄кьявьр са̄мь кӣлэ диалект.
Tэнна па̄ль са̄мь кӣл рушш е̄ммьнесьт омпан лев ка̄дкад, ма̄дт ли э̄ххт, го тэнн кӣлле никасьт едтҍ са̄ррнэ, элля касьт са̄ррнэ, вай лышшэ пэҏтэсьт, а са̄мь ӣжя ев старъед са̄ррнэ са̄мас я коамтнэллэ са̄ррнэм сэетҍ ӣжесь кӣлле. Tа̄ррьм Куэлнэгк нёаркэсьт альт 1800 са̄мме я̄лл. Кэ̄сск ыге пуллдэгк эйй оанҍ са̄мь кӣл, а нӯрашш нюэзельт те̄дт ӣжесь кӣл. Я̄наш са̄ррнэй са̄мь кӣле – тэгк лев о̄ллмэ е̄ннгэдтӭ пуаррса ыге, я вуайй пыйнэ ё выххтэнне Рӯшш е̄ммьнесьт во̄фьсе ев кудтэ са̄мь пӣррас, са̄ррнэй са̄мас.
Маӈьмус соа̄гэ мӣлльтэ ва̄нӓ 300 са̄мме югке пе̄йв оаннӭв кӣлт кӣл. Вя̄л нюэзя тӯйй ли нуҏьт соа̄ме, нюхьт-явьр я а̄кьявьр кӣлэгуэйм рӯшш е̄ммьнесьт, го тэгка кӣл омпан ев о̄ннъюв.
Кӣл Ланҍ О̄ллмэ тӣдтэй кӣл Tя̄ххтэдант
Вуэррьял са̄мь (туххк) Соа̄ййв са̄мь Норга, Швеция 300–500 Шӯрр тя̄ххтэдтмушш
Уме са̄мь Швеция < 20 Ва̄нас кӯдтэй
Пӣте са̄мь Швеция < 20 Ка̄д-ка̄д
Луле са̄мь Норга, Швеция 2 000–3 000 Зоа̄бэль кадт
Tаввял са̄мь Норга, Швеция, Финляндия 30 000 Ва̄нас кӯдтэй
Нуҏьт са̄мь (туххк) Инари са̄мь Финляндия 300-500 Шӯрр тя̄ххтэдтмушш
Кеми са̄мь Финляндия, Россия Ка̄дэ (19 век)
Скольт са̄мь Норга ? Ка̄д-ка̄д
Скольт са̄мь Финляндия 300–500 Шӯрр тя̄ххтэдтмушш
Скольт (Нюхьтяввьр) са̄мь Россия < 20 Ка̄д-ка̄д
Кӣлт са̄мь Россия 300–700 Шӯрр тя̄ххтэдтмушш
Тер (Ёфкё̄гк) са̄мь Россия < 20 Ка̄д-ка̄д
Аккала (Акьяввьр) са̄мь Россия < 5 Ка̄д-ка̄д
Са̄мь кӣл: о̄ллмэдтӭ, тӣдтэй са̄мь кӣл я ко̄нн шурэльт лев кӣл ка̄дтэм ва̄рэсьт тя̄ххтэдтмуж ко̄нн гоаренҍ соа̄т лев: Sammallahti (1998), Hasselblatt & Blokland (2003), Salminen (1993).
englisch
saamisch
russisch
 
  Last update: 5.7.2012    
 
Dobes Volkswagen-Stiftung Nordeuropa-Institut Humboldt-Universität zu Berlin